تارت بالمربى

كنقدم ليكم طريقة تحضير تارت بالمربى بالصور ساهلة التحضير ورائعة المنظر اذ فننتيها ببعض الفواكه المتنوعة من اختيارك

تارت بالمربى بالصور

المقادير

200غ سكر كلاصي

500غ دقيق فورص

قشور حامضة

4 أصفر البيض

250 غ زبدة باردة

قبصة ملح

للحشو 

مربى 

  النوع الي بغيتي او نوتيلا او اي كريمة تتبغي 

 

طريقة تحضير تارت بالمربى بالصور خطوة خطوة 

تتخلطي الدقيق والسكر كلاصي 

 

تتزيدي عليهم الزبدة وطحنيهم في مولينيكس حتى تكمليها 

 

تتزيدي عليها البيض وقشور الحامض وتعجنيها حتى اتولي لك عجينة 

 

من الافصل دخليها للثلاجة ساعة حتى تبغي تخدمي بيها ممكن كاع تخليها تبات في التلاجة الى مكنتيش اتوجديها داك النهار مكيطرا ليها والو 

 

ملي تبغي تسرحيها وبما انها ديال الزبدة تتبقا تتلصق لك في السطح الي تتخدمي فيه

الحل انك ديري لها البلاستيك الغدائي عاد تسرحيها بالمدلك 

 

 

ملي تسرحيها جيبي التحت ديال المول ديالك باش تطراسي بيه الدائرة ديالك طبعا تديري الحجم الي بغيتي ممكن ليك ديريهم صغار الى كانت عندك شي مناسبة تيجيو زوينين 

 

ملي تطراسيها دهني المول ديالك بالزبدة ورشيها بالدقيق 

 

وردي البال لان العرض ديال العجينة ديالك ميفوتش نص سنتيم حيت الى جات غليضة متتجيش زوينة 

 

حطي عليها الصفيحة عاد ديري يدك تحت البلاستيك وقلبيها 

 

حيت الى هزيتيها بيدك ممكن تتقطع لك اللهم سهلي على راسك الشغل 

 

نجيو دابا للقنات  

 

 

 

تقبيها بفورشيط 

 

ديري الكونفيتير من الوسط النوع الي بغيتي او نوتيلا او اي كريمة تتبغي 

 

 

 

 

 

ملي تخرجيها من الفران من الافضل خليها في المول ديالها حتى تقصاح لانها تتكون هشيشة بزاف دخليها للثلاجة شوية باش نيت تجي حسن

هاد الكمية ديال العجينة ممكن دير ليك حتى 3 وتشيط 

ولي بقا ليك من العجينة ممكن دري بيه هاد الشكل ديال الحلوى تاهو كجي راااائع 

 

من بعد ما طيب لسقيها بالمربى وزينيها بسكر كلاصي 

 

 

 

 

تارت بالمربى بالصور

كلمات دلالیة:

تارت بالمربى·

تارت بالمربى بالصور

تارت المربى - فتافيت·

تارت المربى فتكات·

تارت المربى منال العالم·